मैत्रीण

विचार येतो मनामध्ये कधी कि असावी एक मैत्रीण...
पण मैत्रीण म्हणजे नक्की कोण..??

उत्तर सापडत पण उमगत कधीच नाही....
आणि ते शब्दांमध्ये व्यक्त तर कधीच होत नाही...

हो, कारण हे नात असत असच शब्द्नापलीकडच....
कोणी न सांगताच एकमेकांना समजण्याच..
न बोलताच हृदयांची भाषा समजण्याच..
नुसत्या आठवणीने एकमेकांना साद घालायचं..

मैत्रीण असते तरी कोण हो ?

एक अव्यक्त प्रेम एक निस्सीम चाहत..
एक प्रेमळ काळजी एक निरंतर विश्वास..
एक खळाळता झरा एक सुखद सहवास..
एक बेधुंद साथ तरीपण हक्कान धरलेला कान..

एक नजरे पलीकडच जग.. एक कल्पने पलीकडच अस्तित्व...
वसंतातली एक सुंदर झुळूक.. श्रावणातला रिमझिम धारा ..
शिशिरातली हवीहवीशी उब. आणि आषाढातला एक बेभान पाउस..
आणि तरीपण वैशाखातली होरपळ आणि विजांचे अखंड तांडव..

म्हंटल तर सरस्वतीची निखळ शांतता.. आणि लक्ष्मीचा अल्लडपणा
म्हंटल तर भवानी चा कोप आणि ... आणि साक्षात दुर्गा..